Ѓоковиќ пресилен за Гарин, прво четвртфинале на Вимблдон за Шаповалов

05.07.2021 Juli Ponedelnik

Новак Ѓоковиќ немаше поголеми проблеми со Кристијан Гарин и веќе е во четвртфиналето на грен-слем турнирот Вимблдон.

Светскиот рекет број еден одигра сигурно против помладиот ривал од Чиле во Лондон и го доби мечот со резултат 6:2/6:4/6:2 за помалку од два часа.

Гарин најдолго издржа без брејк во вториот сет, кога Ѓоковиќ го скрши отпорот во деветтиот гејм, додека во преостанатите два се беше рутински во корист на српскиот тенисер.

Противник на Ѓоковиќ во следната рунда ќе биде Унгарецот Мартон Фучович.

Претходно, прво четвртфинале на Вимблдон обезбеди Денис Шаповалов кој го победи Баутиста-Агут со 3:0 во сетови.