Мојсоски: Никогаш не треба да се губи верба во македонските ракометари!

18.01.2021 ЈАНУАРИ ПОНЕДЕЛНИК

Поранешниот македонски репрезентативец и сегашен прв човек на Агенцијата за Млади и Спорт, Наумче Мојсоски се огласи и испрати порака по пласманот на нашата селекција во втората фаза на шампионатот во Египет.

Македонија ги остави зад себе лошите епизоди против Египет и Шведска, славеше над Чиле со 32-29 и со тоа обезбеди место во наредната рунда во која за противници ќе ги има Русија, Белорусија и Словенија.

-Никогаш не треба да се губи надежта и вербата, посебно во македонските ракометари, кои како феникс се издигнаа и со победата против Чиле, мајсторски обезбедија место во главната фаза на СП! Браво момци! Секогаш сте гордост наша, -порача Мојсо кој низ кариерата водеше многу битки во репрезентативниот дрес.