Кралицата му го честита роденденот на правнукот

Британската кралица Елизабета Втора му посака среќен втор роденден на нејзиниот правнук Арчи со емотивна семејна фотографија. Фотографија од бебето Арчи со неговите родители војводата и војвотката од Сасекс беше објавена на профилот на кралското семејство на Твитер во четвртокот, дента кога тој наполни две години. Пораката што ја придружува фотографијата гласи: „На Арчи Маунтбатен-Виндзор му посакувам многу среќен 2. роденден денес“. Фотографијата е направена на замокот Виндзор во мај 2019 година, непосредно по раѓањето на Арчи. И принцот Чарлс, дедото на Арчи, сподели фотографија на својот внук на Инстаграм, посакувајќи му среќен роденден. Арчи живее со своите родители, принцот Хари и Меган, во Калифорнија, откако тие се повлекоа од кралските должности во март 2020 година.