„Годзила против Конг“ ќе биде објавен два месеца порано, на 26 март

18.01.2021 ЈАНУАРИ ПОНЕДЕЛНИК Студиото „Ворнер брос“ настојува да ја почне годината навистина снажно и ја префрли својата претстојна епика со чудовишта „Годзила против Конг“ на 26 март 2021 година два месеца порано од првичниот распоред. Ова ќе биде проследено со ултранасилното продолжение на култната борбена игра „Мортал комбат“ закажано за 16 април. Се чини дека 2021 година ќе биде година на филмови на „Ворнер“, а меѓу нив се „Том и Џери“ (26 февруари), „Дјун“, „Матрикс 4“, „Спејс џем 2“ (Space Jam: A New Legacy) и многу други. Како што беше најавено претходно, сите филмски изданија на „Ворнер брос“ оваа година ќе бидат прикажани во киносали и на „Ејч-би-о макс“ истовремено.