Роналдо стана најдобар стрелец во историјата на европските првенства

Кристијано Роналдо стана најдобриот стрелец во историјата на европските првенства со двата гола постигнати во победата на актуелниот европски првак Португалија над Унгарија од 3-0, во денешниот меч од групата Ф одигран во Будимпешта.

Роналдо беше стрелец во 87-та минута и во судиското надополнување на мечот, откако Рафаел Гереро го отвори резултатот во 84-та минута.

Ова беа 10-от и 11-от гол на континенталните шампионати за Роналдо, со што го надмина легендарниот француски фудбалер Мишел Платини кој постигна вкупно девет гола.

Роналдо го игра рекордното петто ЕП, и сега има вкупно 106 погодоци во дресот на Португалија.

Во тек е вториот дуел од групата Ф помеѓу Франција и Германија.