Џон Леџенд го прифати предизвикот на Џими Фалон во неговото вечерно шоу

Џон Леџенд покажа уште една вештина во својот импресивен репертоар: претворање теми од секојдневието во моќни балади во текот на виртуелното гостување во вечерното шоу на Џими Фалон (The Tonight Show). 42-годишниот музичар го отсвири „Баладниот предизвик“ за време на виртуелниот настап во емисијата во понеделникот вечерта. На пејачот му беа дадени голем број теми – почнувајќи од „Дамски гамбит“ – и имаше задача на самото место да смисли песна за нив. Фалон рече дека ќе се обиде да му помогне доколку е потребно иако беше сигурен дека на Леџенд не му треба никаква помош.