Џејн Фонда ќе добие награда за животно дело на „Златните глобуси“

27.01.2021 januari sreda Американската актерка Џејн Фонда ќе биде почестена со награда за животно дело на церемонијата за доделување на наградите „Златен глобус“ следниот месец. Наградата ја доделува холивудското здружение на странски новинари (HFPA), организатор на церемонијата. „Нејзиниот неспорен талент ѝ донесе најголемо признание“, соопшти здружението на странски новинари акредитирани во Холивуд. „Иако во нејзиниот професионален живот имаше доста кривини и вртења, остана нејзината непоколеблива посветеност да предизвика промени.“ Фонда (83) имаше блескава актерска кариера која траеше шест децении.