Што може да се очекува од „оскарите“ за време на пандемија?

01.02.2021 januari ponedelnik

Академијата за филмска уметност и наука која ги доделува „оскарите“, соопшти дека истражува начини за одржување на церемонијата во Лос Анџелес во живо, на 25 април, два месеца подоцна од вообичаеното.

Таа исто така го замоли американскиот режисер оскаровец, Стивен Содерберг, кој ќе биде копродуцент на овогодинешната церемонија, да го „преиспита“ овој настан во светло на пандемијата ковид-19, пренесува „Би-би-си“.

По една година страдања, филмската индустрија се надева дека церемонијата на доделување на „оскарите“ ќе биде гламурозна, а не само скромна забава.

Покрај тоа што гледаноста на церемонијата на телевизија се намалува во последните неколку години, тоа е настанот за кој најмногу се зборува во забавната индустрија.

Во 2014 година Твитер соопшти статистика што покажува дека таа година објавите за церемонијата биле прегледани повеќе од 3,3 милијарди пати ширум светот.

Меѓу нив беше и селфито со познати личности направено од водителката Елен Деџенерис, кое стана највирална слика во историјата на Твитер, предизвикувајќи дури за кратко да се сруши целата мрежа.

Академијата може да се послужи со искуството од повеќе виртуелни церемонии, како овогодинешните награди „Еми“, доколку треба да се префрли на онлајн емитување или да се организира хибриден настан.

Наградата за европски филм, традиционално што се одржува како последна церемонија на крајот на годината. Таа одржа во декември како настан во зградата Футуриум во Берлин. Присутни беа неколку луѓе кои ја водеа манифестацијата и им честитаа на победниците преку Интернет.

– Одлучивме да го сториме тоа правилно или воопшто да не се одржи. Дури се појави и германската канцеларка Ангела Меркел, иако виртуелно, тоа беше педантно спроведено. Секоја личност во зградата беше тестирана секојдневно до настанот, маските требаше да се носат насекаде, освен на сцената, физичко растојание беше задолжително почитувано. Направена беше и генерална проба. Нема ништо полошо од лош пример за светот – објасни ирскиот филмски продуцент Мајк Дауни, претседател на Европската филмска академија.

Сепак, од номинацијата до доделувањето на „оскарите“, вообичаено има виор на меѓународни патувања, забави, фотографирања и други патувања на кандидатите, додека тие лобираат сами за себе.

Дури иако „оскарите“ успеат да организираат церемонија со физичко присуство, помпата околу филмовите ќе биде многу помалку видлива до април.

Филмскиот критичар Калим Афтаб, како и многумина се надева дека церемонијата ќе се одржи во живо.

– Ако настанот се одржи со физичко присуство ќе значи дека сме влегле во нова ера и оти конечно можеме да се вратиме во киносалите и да чекаме премиери на филмови. Мислам дека кога тоа ќе се случи, ќе знаеме дека вакцината имала ефект и дека можеме да се вратиме во нормален живот – заклучува Афтаб.