Хелен Мирен и Ен Хатавеј во нова драмска серија

02.02.2021 januari vtornik Неговата серија за ловци на нацисти, Hunters, со Ал Пачино во главната улога, се покажа како хит за „Амазон прајм видео“. А сега сценаристот и продуцент Дејвид Вејл доби зелено светло за уште една оригинална серија за стримерот и овој пат со ѕвезди во актерската екипа. Хелен Мирен, Ен Хатавеј и Морган Фримен се потпишаа за „Солос“, антологиска драмска серија, чија премиера ќе се одржи подоцна оваа година, според THR.com. Серијата ќе има седум епизоди. На тројцата оскаровци ќе им се придружат Ентони Меки, Ден Стивенс, Констанца Ву, Узо Адуба и Никол Бехари.