Харисон Форд се повредил на снимањето на новиот „Индијана Џонс“

26.06.2021 Juni Ponedelnik

Поради повредата, Форд оди на кратка пауза од снимањето додека не се опорави, а во меѓувреме режисерот Џејмс Манголд ќе продолжи да снима без него, пишува „Variety“.

„За време на снимањето на борбената сцена, Харисон Форд претрпе повреда на рамото“, соопшти портпаролот на Дизни.

„Распоредот на снимања ќе се реконфигурира колку што е потребно во следните недели“, додаде тој.

Ова не е прв пат Форд да се повреди додека снима филм. Во 2014 година, актерот бил зафатен и здробен од тешките врати на Милениумскиот сокол на снимањето на седмото продолжение на Војна на ѕвездите.

Продуцентската куќа во сопственост на Дизни тогаш требало да му плати отштета на Форд 1,6 милиони фунти.

Индијана Џонс 5 започнал да се снима на почетокот на овој месец во Велика Британија. Детали за филмот сè уште не се објавени, но покрај Форд, во филмот ќе играат и Фиби Валер-Бриџ и Мадс Микелсен.

Објавувањето на филмот е одложувано неколку пати, а последната информација е дека треба да пристигне во кината на крајот на јули следната година, што е цели 15 години по последното продолжение од 2008 година, Кралството на кристалниот череп .