Хамилтон посочи на што цели во новата сезона: Во минатото работев само за титулата, но сега..

Луис Хамилтон на претставувањето на новиот болид на Мерцедес говореше и за неговите цели во новата 2021 сезона.

Британецот кој е седумкратен шампион во најбрзиот мото циркус во светот ќе атакува кон рекордната осма титула во Формула 1 шампионатот, а освен атакот кон највисокото место на пиедесталот Хамилтон најави и дека негова цел ќе биде и борбата против различностите.

Пилотот на Мерцедес и минатата година застана силно зад движењето против расизмот, а планира да го искористи неговото име и оваа година со цел да се избори во борбата против ваквиот начин на дејствување на дел од луѓето.

– Што ми е приоритет во 2021? Во минатото работев само на освојување на шампионатот. Минатата сезона мнгоу се зборуваше за еднаквоста и инклузијата. Оваа година ќе се залагам и за различностите, време е да се преземат одредени мерки. Секако, постоиме за да победуваме, на тоа работи комплетниот тим и секако дека и тоа е моја цел, -изјави Хамилтон.

Сезоната во Формула 1 започнува на 28 март кога ќе се вози трката за Големата награда на Бахреин.