Хамилтон испрати сериозно предупредување до Мерцедес по катастрофалниот викенд во Монако

По остварените три победи на првите четири трки во Формула 1, Луис Хамилтон доживеа големо разочарување во Монте Карло, бидејќи мораше да се задоволи само со седмото освоено место кое беше само потврда за катастрофалниот викенд на Мерцедес. За да бидат работите уште полоши, Макс Ферстапен стигна до својта втора победа во сезната и го презема водството во генералниот пласман, резултат кој го натера актуелниот светски првак да испрати сериозно предупредување до Мерцедес како тим кој сака да ја одбрани титулата во Формула 1. – Реков уште од самиот старт, ќе ни биде многу тешко. Ви потенцирав уште првиот ден, тие имаат шампионски болид оваа сезона и ќе биде многу тешко да ги победиме. – Сериозен сум околу тоа и навистина го мислам тоа што го велам. Победивме на трки на кои не требаше да победиме и тоа е добро, така беше особено во Бахреин. Има долг пат пред сите, но едно е јасно. Не смееме да си дозволиме уште еден ваков ужасен викенд. Среќен сум што завршив. – Секој бод ќе биде важен, но ваков лош викенд не смее да се повтори. Лошо е што и следната трка во Баку се вози на улична патека, ни беше тешко во Монако да ги загрееме гумите, ќе видиме дали ќе се подобриме во Баку, – изјави Хамилтон.