Филм: „После сѐ: Судир“ – романтична драма

За љубителите на романтични драми во градските кина може да се погледне новото продолжение на филмот „After“, овојпат насловен како „После сѐ: Судир“.

Во него продолжува љубовната сага на Хардин и Теса. Таа посакува да си отиде, но не е толку лесно. Не е сигурна дека може да издржи уште едно прекршено ветување. Насочена е кон своите студии и новото возбудливо практикантство во издавачката куќа Ванс. А, пак, Хардин знае дека згрешил и сака да ја исправи грешката и да ги надмине своите демони. И нема да се откаже од Теса. Но, дали може да се смени? Режијата е на Роџер Кумбл, а улогите ги толкуваат Херо Фајнс Тифин, Џозефин Лангфорд, Селма Блер, Чарли Вебер.