Со средства од Министерството за култура Музеј Куманово годинава ќе реализира 25 проекти

Музеј Куманово со добиените 2.650.000 илјади денари од Министерството за култура за реализирање проекти од годишната програма за тековната година предвидено е да реализираа вкупно 25, соопштија надлежните од оваа национална установа.

Со проектите, одвоени се милион и 810.000 денари за музејска дејност, 500.000 за ликовна дејност, 60.000 за тековно одржување на Кокино и 280.000 илјади денари за продолжување на санацијата на платото пред Меморијалниот центар АСНОМ.

„Генерално земено и годинава, како и претходните, задоволни сме од она што ние го понудивме и она што ни е одобрено од Министерството за култура како годишна програма за 2021 година“, изјави директорот на Музеј Куманово, Богдан Таневски.