Селекторот Андоновски без загубен меч од 2019 година

23.02.2021 februari vtornik

ФУДБАЛ

Македонскиот стратег Влатко Андоновски забележа нова голема победа со женската фудбалска репрезентација на САД против вечниот ривал Бразил. Американките беа подобри од Бразилките со 2-0 во второто коло од „Шибиливс-купот“, кој се игра во САД. За Андоновски ова беше 15-та победа во низа откако е селектор на најтрофејната женска селекција во светот, со што бележи рекорд како селектор со најдолга победничка серија на чело на женскиот национален тим на САД. Андоновски е деветти селектор во историјата на четирикратниот светски првак, на чија клупа седна во октомври 2019 година и оттогаш нема загубено меч. Стрелци на головите за САД беа Кристен Прес во 11-та и Меган Рапино во 88-та минута од натпреварот. Во првото коло од „Шибиливс-купот“ САД славеа над Канада со 1-0, а следни противници на Американките ќе им бидат селекциите на Аргентина и на Јапонија.