Се јави и Крос за иднината на Зидан: Имаме до толку добро изграден однос…..

Тони Крос ја пропушти завршницата од сезоната во Примера поради позитивен тест на коронавирус, но Германецот јасно стави до знаење дека е во одлична здравствена состојба откако беше дел од најновот издание во стандардната емисија која ја водат со неговиот брат Феликс.

Браќањата Крос разменуваат свои мислења преку сопствениот подкаст и ги коментираат сите интересни случувања во светот на фудбалот, а Феликс го запраша Тони дали има вистина во сето она што го пишуваа медиумите за наводниот говор на Зидан при кој им го соопштил своето заминување на играчите во соблекувалната.

– Таа шпекулација се рашири во Шпанија, но не само во Шпанија, стигна и до Германија. Дека не известил нас фудбалерите за негово заминување. Тоа беше тешка и непотребна лага.

– Зизу и јас имаме до толку добро изграден однос, ако планираше да си замине, ќе ми го кажеше тоа. Не ми го кажал тоа, но не можам јас да го потврдам неговото останување, не знам како ќе заврши се. Можам да кажам само дека секогаш е забавно да се работи со Зидан.

– Има многу непознати за тоа како ќе изгледа Реал Мадрид наредната сезона. Но, во едно сум сигурен, Реал Мадрид ќе се врати силен и ќе се бори за се, тоа можам да го гарантирам. Следната сезона ќе се бориме за се, имам доволно големо искуство во тимот за да го знам тоа, – потенцира Крос.