Светскиот и европскиот првак останаа во трка за нов трофеј

25.01.2021 januari ponedelnik

РАКОМЕТ – СВЕТСКО ПРВЕНСТВО ВО ЕГИПЕТ На едно коло до завршувањето на главната групна фаза на Светското првенство (СП) во Египет селекциите на Унгарија и на европскиот шампион Шпанија од групата 1 и светскиот првак Данска од групата 2, обезбедија место во четврт-финалето на натпреварувањето. Останува неизвeсноста за второто место во групата 2, каде што теоретски шанси за пласман во следна фаза имаат репрезентациите на Аргентина, Хрватска и на Катар. Неизвесно е и во групите 3 и 4 каде што седум селекции конкурираа за четирите места, кои беа одредени со синоќешните дуели во тие групи. Во игра од групата 3 беа селекциите на Франција (осум бода), Норвешка (шест) и Португалија (шест), а во групата 4 репрезентациите на Египет, Шведска, Русија и на Словенија. Во четвртфиналната фаза на Светското првенство (СП) во Египет в среда следуваат вкрстени натпреварите меѓу првопласираните од едната и второпласираните од другата група, а ќе вкрстат групите 1 со 3 и 2 со 4. Македонија вчера требаше да игра со Белорусија, во последното коло од втората групна фаза, на групата 4. ДВОЈКИ ЗА ДЕНЕСКА Бразил – Уругвај 15.30 ч. Бахреин – Јапонија 15.30 ч. Шпанија – Унгарија 18 ч. Аргентина – Катар 18 ч. Полска – Германија 20.30 ч. Данска – Хрватска 20.30 ч.