Роберт де Ниро и Џон Бојега заедно во трилер за поранешен возач на Формула 1

26.01.2021 januari vtoenik Роберт де Ниро и Џон Бојега влегуваат во брза лента со новиот трилер The Formula за „Нетфликс“. 77-годишниот Де Ниро и 28-годишниот Бојега ќе бидат главни протагонисти во филмот, а Де Ниро ќе биде и продуцент заедно со својот долгогодишен соработник Џејн Розентал, објави порталот „Дедлајн“. Жерард Мекмареј го напиша сценариото и воедно и ќе го режира филмот, негова втора соработка со „Нетфликс“ откако претходно напиша и режира еден од нивните први оригинални филмови, Burning Sands, од 2017 година. Според најавата, „Формулата“ е возбудлива сторија за некогашен возач на трки, „тркачко чудо на Формула 1, кој е принуден да стане возач за бегство за да го спаси единственото семејство што му остана“. Некогашниот тркач на Ф1 мора да вози за мафијата за да го спаси своето семејство.