ПСЖ го елиминира европскиот првак по голема борба

Фудбалерите на Пари Сен Жермен се пласираа во полуфиналето на Лигата на шампионите (ЛШ), елиминирајќи го бранителот на трофејот Баерн по голема борба, наспроти поразот од 0-1 во вечерашниот натпревар.

Ерик Чупо-Мотинг беше стрелец на единствениот гол на средбата во 40-та минута, но ПСЖ оди понатаму поради повеќе постигнати голови на гости во двомечот кој заврши со вкупен резултат 3-3. ПСЖ на тој начин му се одмазди на Баерн за поразот во ланското финале на ЛШ од 0-1.

Челси исто така избори понатамошен пласман, и покрај тоа што загуби од Порто на домашен терен со 0-1, благодарение на триумфот од 2-1 во првиот натпревар на гости. Мехди Тареми вечерва беше стрелец за Порто во судиското надополнување на мечот.

ПСЖ во полуфиналето ќе се сретне со подобриот од утрешниот дуел Борусија Дортмунд – Манчестер сити (првиот меч заврши 1-2), додека Челси го очекува победникот од пресметката помеѓу Ливерпул и Реал Мадрид (прв меч 1-3).