Почина Зафир Хаџиманов, ја загуби битката со коронавирусот

27.03.2021 Mart Sabota

Зафир Хаџиманов, македонскиот филмски актер, пејач и композитор, почина на 78-годишна возраст од последиците од коронавирусот, пренесуваат српските медиуми.

Хаџиманов е роден во 1943 година во Кавадарци. Средно училиште и музичко училиште завршил во Скопје, каде започнал да игра музика и театар. Во 1967 година дипломирал глума на ФДУ во Белград.

Додека студирал настапувал како пејач на поп музика кога ги снимил своите први два плочи, на кои е автор и на текстовите.

Настапувал и на музички фестивали. На фестивалот во Опатија во 1965 година го освои првото место со песната „Зошто доаѓаш само со дожд“. Четири години подоцна, на истиот фестивал, тој го изведе познатиот зимзелен „Беше мај“.

Настапувал и во странство како пејач, особено во Советскиот Сојуз. Снимал и ТВ-емисии.

Хаџиманов беше оженет со пејачката и актерка Сенка Велетанлиќ, со која го има синот Васил Хаџиманов, познат џез музичар.