Пол Сајмон ја продаде целата своја колекција песни

Пол Сајмон го продаде целиот свој каталог на песни на компанијата „Сони мјузик паблишинг“ за необјавена сума. Договорот опфаќа повеќе од шест децении музика – од песните на Сајмон и Гарфанкел, како Bridge Over Troubled Water и Mrs Robinson – до соло хитовите, како You Can Call Me Al и 50 Ways To Leave Your Lover. Сajмон рече дека е задоволен што го има „Сони“ како чувар на неговите песни за следните децении. Тој е најновиот во низата култни музичари што ги предадоа своите права за објавување. Боб Дилан минатата година ги продаде своите песни на ривалот на „Сони“, „Јуниверзал мјузик“, за приближно 400 милиони долари, а Нил Јанг во јануари продаде половина од својот каталог со песни на „Хипнозис сонгс фанд“ за речиси 150 милиони долари. Деби Хари, Бери Манилоу, Шакира и Стиви Никс склучија слични зделки – тргувајќи ги своите идни авторски права за деветцифрени исплати однапред.