Покетино проговори за иднината на Нејмар и Мбапе во ПСЖ: Имам чувство…

01.02.2021 januari ponedelnik

Аргентинскиот стратег, Маурисио Покетино проговори за иднината на Нејмар и Килијан Мбапе во Пари Сен Жермен.

Нејмар и Мбапе се под договор со „светците“, меѓутоа постојано има одредени дилеми, прашалници околу нивниот престој во Париз и дали ќе останат на „Паркот на принцовите“. Меѓутоа како што одминува времето се повеќе на тежина добија опцијата да продолжат во ПСЖ и веќе таков нешто најави Нејмар во неделата.

Килијан пак се уште тактизира и не се огласува, но тренерот оптимист и верува дека двете ѕвезди ќе продолжат со тимот.

-Верувам дека Нејмар и Мбапе ќе останат, имам чувство, ќе останат долго време во ПСЖ. Не се сомневам, јас сум оптимист. Клубот работи напорно за да ги задржи. Неј и Килијан се среќни. Овде се забавуваат, -порача Аргентинецот.