Песни на 18 поети во тријазичната збирка „Млади поетски пера…“

Осумнаесет поети со своите песни ќе бидат застапени во тријазичната збирка поезија, како дел од проектот „Млади поетски пера-Стихови градат мостови“. Изборот го направи Здружението за култура и заеднички вредности од Гостивар „КРИК 094“ преку конкурсот наменет за автори на возраст од 16 до 35 години.

Меѓу поетите се: Стефан Марковски, Катерина Гогова, Давид Берат, Андреј Ал-Асади, Даниел Ѓорѓески, Бесјона Јусуфи, Мери Берат, Рина Јанкуловска, Мартина Даниловска, Гордана Балеска Трифуноска, Дејан Крстески, Даница Среткоска, Софија Тодороска, Ана Трпевска, Павлина Атанасова, Бериника Арслани, Анастасија Лефкоска и Рената Пенчова.

Здружението работи на препев на песните што во збирката ќе бидат објавени на македонски, албански и турски јазик. Потоа ќе следува техничка подготовка и печатење на книгата.