Надал доби среден прст од повозрасна жена на трибините, неговата реакција стана вистински хит (Видео

11.02.2021 ferbruari cetvrtok

Рафаел Надал е познат како еден од тенисерите кои имаат најголема толеранција кон публиката, а тоа го демонстрираше и денеска во Мелбург каде се соочи со ситуацијата каква никогаш не доживеал во својата кариера. И покрај проблемите со грбот, Надал лесно поведе со 1:0 во сетови добивајќи го Американецот Мох со 6:1, додека во вториот кој беше доста понеизвесен, доволен му беше еден брејк за да слави со 6:4. Сепак, во неговиот последен сервис гејм, мораше да помине извесно време пред да се комплетира истиот, бидејќи една недолична жена од трибините му викаше пред да сервира, а потоа му покажа и среден прст. Надал ја прекина играта откако беше јасно дека жената не дозволува да се продолжи мечот при негов сервис, по што следуваше вистински циркус на Род Лејвер арената. Навивачката му покажа среден прст на Шпанецот, а овој изреагира до толку урнебесно и оригинално, што ги изнасмеа тениските фанови кои потоа ја исвиркаа непристојната жена која беше отстранета од трибините. Надал се смееше и не можеше да поверува дека жената му покажа среден прст, а притоа со јасна гестикулација се обидуваше да дознае дали таа претерала со пиењето и дошла пијана да го следи мечот.