Македонија ремизираше со Романија во футсал пресметката во Скопје

03.02.2021 februari sreda

Футсал репрезентацијата на Македонија одигра нерешено против Романија 2-2 во втората средба од квалификациите за Европското првенство.

Нашиот национален тим прикажа борбена игра на средбата во СЦ „Јане Сандански“ каде имаше можност да води, но и да брка предност на противникот за да на крајот се избори за бод во пресметката во Скопје. Ние поведовме со голот на Дандан 12 минута, но одговорот брзо стигна и Романците израмнија на 1-1 веќе во 13 со автоголот на Мицевски.

Во вториот дел Рибеиро донесе комплетен пресврт, меѓутоа последниот збор на дуелот го имаа избраниците на Скендеровски преку капитенот Ранготов за конечни 2-2. Инаку ова за Ранготов беше 100. натпревар во дресот со националниот грб.