Лопез изгледа убаво среде деловни обврски

22.07.2021 Juli Cetvrtok

Џенифер Лопез беше облечена за да остави впечаток кога се упати кон една од своите канцеларии во Лос Анџелес во вторникот. 51-годишната пејачка и актерка изгледа беспрекорно во лелеав цветен летен фустан, чанта од „Валентино Гаравани“ и тренди чаша за вода. Во текот на својата мисија пејачката на хитот Ain’t Your Mama излезе од автомобилот и се качи во својата канцеларија опкружена со неколку членови на тимот. Ова се случува откако ден претходно избегна прашање во врска со нејзината романса со старо-новиот партнер Бен Афлек. Таа се појави во емисијата „Тудеј“ во вторникот наутро преку „Зум“, а водителката Хода Кот се обиде да извлече некоја информација за нејзиниот љубовен живот. Сè почна кога Хода ѝ рече: „Изгледаш посреќно. Морам да ти кажам, секогаш кога ќе видам фотографија од тебе и Бен, си велам: таа изгледа посреќно. Дали сме посреќни?“ Лопез не се фати на мамката. Таа дипломатски го избегна прашањето и ѝ рече на водителката: „Јас секогаш сум среќна кога ќе те видам Хода!“ „Чекај, знаеш дека јас разговарам со тебе, го знаеш тоа“, рече Хода во видеоповикот. „Знам“, рече Џенифер. „Можеш да ми се јавиш. Го имаш мојот број!“