Кузмановски позитивен на КОВИД-19, веднаш испратен во изолација

01.02.2021 januari ponedelnik

Еден од најдобрите македонски ракометари, Филип Кузмановски е позитивен на коронавирусот, објави неговиот клуб Хановер.

Германскиот бундеслигаш ја информираше јавноста дека нашиот бек се заразил со КОВИД-19, а тоа го покажало првиот тест што го направил по враќањето во клубот по настапот со Македонија на Светското првенство во Египет.

Кузмановски немал директен контакт со соиграчите и веднаш бил испратен во изолација. Ова значи дека Филип одреден период ќе биде во „аут“, ќе мора да паузира додека ја надмине оваа состојба.

Инаку Хановер првиот меч во новата година го игра на 14 февруари против Флензбург.