„Круната“ со четири награди на годинешните „Златни глобуси“

01.03.2021 mart ponedelnik Кралската драма на „Нетфликс“ освои една од најголемите почести на вечерта – најдобра телевизиска серија, драма, а членовите на актерската екипа – Џош О’Конор, Ема Корин и Џилијан Андерсон – добија актерски признанија на церемонијата во неделата вечерта, што се одржа на две локации – Њујорк и Лос Анџелес, а победниците ги прифаќаа наградите од дома. Од телевизиските награди за најдобрата серија од жанрот драма беше прогласена „Круната“. Како главни актери во серија – Ема Корин и Џош О’Конор – кои ги играат принцезата Дијана и принцот Чарлс, ги освоија главните актерски награди во оваа категорија. Џилијан Андерсон освои награда за најдобра споредна женска улога во ТВ-серија за нејзиното портретирање на премиерката Маргарет Тачер. За најдобра мини серија е прогласена „Дамски гамбит“, а главната актерка во серијата, Ана Тејлор-Џој, исто така доби „Златен глобус“ за најдобра актерка во лимитирана серија. Марк Рафало е прогласен за најдобар актер во категоријата мини серии.