„Зидан нема да замине. Ќе видите“

Повратникот во редовите на фудбалската репрезентација на Франција, Карим Бензема, за „Лекип“ проговорил за иднината на тренерот на Реал, Зинедин Зидан. Шпанските медиуми се сигурни дека Зидан ќе го напушти Реал. „Не мислам дека ќе замине. Нема да замине, ќе видите“, рекол Бензема. Мислењето на Бензема го делат и клупските челници, кои сакаат Зидан да остане. Прашање е само какви планови има Зизу кого во Италија го поврзуваат со клупата на Јувентус. Кога сме кај Карим Бензема, сезоната ја заврши со 23 гола и двет асистенции. Со напаѓачот на Вилјареал, Џерар Морено, го подели второто место на листата со најдобри стрелци.