Заврши извонредната серија на нашиот капитен: Лазаров остана без гол на СП

22.01.2021 JANUARI PETOK

Македонија не успеа да направи изненадување и претрпе пораз од Русија на Светското првенство, но овој меч воедно донесе и крај на една извонредна серија на капитенот Кире Лазаров. Нашиот најдобар ракометар имаше четири неуспешни обиди, поточно остана без погодок што е за прв пат во неговата кариера кога се во прашање мундијалските настапи. Од 1999 година и дебито против Саудиска Арабија, десниот бек даваше голови на сите мечеви се до денеска во Каиро. Во 42 меч беше запрена навистина импресивната низа која започна од Египет и преку Хрватска, Шпанија, Катар, Франција, Германија/Данска заврши во земјната на „фараоните“, во Египет.