За Светскиот ден на книгата: Конкурс за најдобри поетски творби во Тетово

13.04.2021 April Vtornik

Библиотеката „Кочо Рацин” од Тетово по повод 23 Април – Светскиот ден на книгата и авторското право го распиша традиционалниот Литературен конкурс за најдобри поетски творби за ученици од основните училишта.

„Литературниот конкурс е на слободна тема. Право на учество имаат сите ученици од основните училишта во Тетово и Тетовско. Поетските творби треба да се испратат под шифра. Имињата на авторите, насловот на песните и шифрите да бидат доставени во посебно затворено плико. За најдобрите песни предвидени се награди“, соопштуваат од библиотеката.

Поетските творби треба да се достават во библиотеката или да се испратат по пошта на адреса НУ Библиотека „Кочо Рацин“ – Тетово, бул. „Илирија“ бб, 1200 Тетово, најдоцна до 25 април.