За “Погледот на Монмартр“ на Ван Гог- над 13 милиони евра

„Уличeн поглед на Монмартр“ една од ретките слики на холандскиот импресионистички сликар Винсент ван Гог, која беше подолго време во приватна сопственост, е продадена деновиве за повеќе од 13 милиони евра. Продажбата се случила на интернет-аукцијата на „Сотби“. Сликата е од 1887 година, насликана за време на двегодишниот престој на уметникот во Париз, а покажува улична сцена во областа Монмартр.

“Делото кое 100 години го чуваше едно француско семејство е купено е за 13.090.000 евра и за првпат е изложено во јавноста“, објави аукциската куќа.

Првичната проценка се движеше меѓу пет и осум милиони евра – рекорд за кое било дело на холандскиот уметник насликано во Франција. Продажбата на „Уличниот поглед на Монмартр“ беше своевиден врв на наддавањето, на кое беа понудени уште 33 дела на други познати уметници, вклучувајќи ги Дега, Магрит, Модиљани, Роден и неговата муза Камил Клодел