Актер номиниран за „Оскар“ вели не му се важни наградите во веќе избришаната објава на „Инстаграм“

Само неколку дена откако ја заработи својата прва номинација за „Оскар“ за улогата во „Јуда и црниот месија“, Лакит Стенфилд откри дека не е толку заинтересиран за сезоната на награди. 29-годишниот актер, кој го игра Бил О’Нил во „Јуда и црниот месија“, сподели фотографија од напис во „Дедлајн“ во врска со шпекулациите дека организаторите на церемонијата на доделување на најпрестижните награди размислуваат да ја преиспитаат нивната одлука номинираните да се појават лично, а не преку апликацијата „Зум“. Стенфилд во својата сега веќе избришана објава на „Инстаграм“ напиша: „Се случуваат вистински работи. Кому му е гајле за награди“.