Jубилејно издание: „Првите луѓе на Државниот архив (1951 – 2021)“ од Димитријевски

„Првите луѓе на Државниот архив (1951 – 2021)“ од од проф.д-р Маријан Димитријевски е наслов на новото јубилејно издание на Државниот архив по повод одбележувањето на 70 години постоење на институцијата. Според директорот на Државниот архив, Емил Крстески, преку биографиите и библиографиите на првите луѓе на архивот, всушност, се прикажува развојот на современата македонска архивистика и оваа институција, која претставува еден од темелите на македонскиот национален идентитет. “Улогата на првиот директор на Државниот архив, Тодор Талески, и неговиот наследник, Димче Стојанов-Мире, како основоположници на современата архивска служба во нашата држава е осведочена во ова издание преку прикажување на нивните напори за институционален развој на архивистиката. Следните генерации директори прават значајни исчекори во доразвивање на мрежата на архивските установи и осовременување на законодавната архивска практика. Архивот бележи подем во сите сфери на работењето на ниво на поранешна Југославија и по осамостојувањето, се вели во соопштението од директорот Крстески. Денес во своите стратешки цели, посочува Крстески, Државниот архив ја има дигитализацијата на архивските документи и историски материјали и воведување процеси на спроведување современи облици на архивистиката. Овој јубилеј нѐ обврзува како институција да го продолжиме патот на сите досегашни раководства во нивната успешна работа. Изданието додава, ќе остане пишана трага за посветеноста на 13-те директори за достигнувањата на Државниот архив и ќе им служи за пример на идните генерации историчари и архивисти.