Џејмс Бонд го претрка „Д Рок“: Даниел Крејг најплатен актер во светот, Двејн Џонсон втор

Даниел Крејг се најде на врвот на листата на „Вараети“ на највисоки плати на филмски sвезди со неверојатни 100 милиони долари. На листата, објавена во средата, се наоѓаат 17 најплатени sвезди во последно време, а покажува и други од холивудската А-листа како Двејн Џонсон, Вил Смит и Дензел Вашингтон кои заработуваат високи хонорари, додека Џенифер Лоренс и Џулија Робертс се изедначени како најплатени актерки. Голем придонес за пораст на платите се стриминг-изданијата во кои sвездите преговараат за поголеми авансни уплати како надомест за повеќекратната исплата врз основа на продажба на кинобилети. Во март, „Вараети“ објави дека 53-годишниот Крејг ќе се приклучи на мрежата на „Нетфликс“ откако стриминг-платформата ги откупи правата за втор и трет филм во серијалот „Нож во грб“, кој почна да се прикажува во 2019 година.