Џејми Дорнан и Гал Гадот во нов шпионски трилер

Џејми Дорнан наводно треба да глуми заедно со Гал Гадот во шпионскиот трилер на „Нетфликс“, Heart of Stone („Срце од камен“).

Според „Дедлајн“, актерот од Белфаст го ставил својот потпис за претстојниот филм заедно со ѕвездата на „Вондер воман“.

Филмот е од „Скајденс продакшнс“ на Дејвид Елисон, продукциска куќа што стои зад последните три филма „Невозможна мисија“.

Гал Гадот, која е една од најплатените актерки во Холивуд – ќе ја преземе главната улога во претстојниот филм за кој се верува дека ќе стане шпионска франшиза предводена од жени во духот на „Џејмс Бонд“ и „Невозможна мисија“.