Џенова со пораз од Лацио ја продолжи ужасната серија, Пандев стартер

17.12.2021 Dekemvri petok

Екипата на Џенова продолжува да бележи лоши резултати и покрај тренерската смена и доаѓањето на клупата на легендата на европскиот фудбал, Андриј Шевченко.

Лацио беше подобар противник и ја оправда фаворитската улога, славејќи на овој натпревар со 3:1.

Во првиот дел падна само еден погодок и истиот беше дело на Педро кој ја затресе мрежата на Сиригу во 39. минута.

Во второто полувреме Џенова заигра нешто поотворено, а тоа му остави можност на Лацио да постигне нови два гола и преку Ачерби и Закањи да го реши прашањето на победникот.

Почесен погодок за Џенова постигна Мелеоњи со гол во 86. минута од натпреварот.

Горан Пандев повторно се најде во стартниот состав на Џенова и на теренот помина нешто помалку од еден час.