Џексон: Говорам како сведок, денеска Џордан би давал 40 поени по натпревар

06.10.2021 Oktomvri Sreda

Мајкл Џордан за многумина е најдобриот играч на сите времиња, ас кој едноставно е недопирлив, недостижен за останатите.

Самиот Џордан не сака ова да го кажува за себе, да прави споредби, но затоа неговите некогашни колеги често зборуваат за него и за тоа каква величина е и зошто е над сите. Марк Џексон беше дел од ерата на легендата на Чикаго Булс, играше за Њујорк Никс, ЛА Клиперс, Индијана Пејсерс, Денвер Нагетс, Торонто Репторс, Јута Џес и Хјустон Рокетс, па од свое искуство се обиде да посочи што Џордан би можел да направи во оваа нова модерна НБА ера.

-Би давал колку што сакал поени. Би можел да имал 40 по натпревар. Говорам како сведок, Џордан во просек би бележел по 40 кошеви, -порачува Марк.

Мајкл во текот на кариерата десетпати беше најдобар стрелец во НБА лигата.