Јунајтед го потврди трансферот: Роналдо повторно ќе игра за „црвените ѓаволи“

27.08.2021 Avgust Petok

Португалскиот репрезентативец, Кристијано Роналдо и официјално е нов член на Манчестер Јунајтед.

Оваа информација ја потврди премиерлигашот кој соопшти дека е постигнат договор со Јувентус за реализаиција на трансферот со тоа што истиот ќе биде заокружен кога ќе се комплетираа одредени детали како личните услови, визата и секако медицинските тестови.

Сепак тоа се очекува да биде само формалност, односно може да се каже дека Роналдо се враќа во клубот во кој се афирмираше на големата сцена во периодот од 2003 до 2009 година. Тоа е период во кој даде 118 голови на 292 натпревари и имаше големо влијание во успесите на клубот како на домашната така и на меѓународната сцена.

Со ова Јунајтед само ги потврди високите амбиции со оглед на тоа што летово ги доведе Џејдон Санчо и Рафаел Варан.