Јончевски почнува со предизвикот Евробаскет 2025

Ден откако македонската Кошаркарска федерација (КФСМ) спогодбено ја прекина соработката со српскиот стратег Драган Бајиќ за негов наследник на селекторското столче е назначен 41-годишниот Александар Јончевски.

Новиот македонски кошаркарски селектор долги години е дел од стручниот штаб на репрезентацијата, првично како асистент на Марјан Лазовски во квалификациите за Летните олимписки Игри што се одржаа во Венецуела, а потоа му помагаше и на Марјан Србиноски на Евробаскетот во 2015 во Хрватска. Претходно беше и во тимот на соработници на селекторот Јорданчо Давитков.

– Во работата со нашата најдобра селекција на Јончевски ќе му помагаат Никола Василев, актуелен селектор на машката селекција до 20 години, Никола Велев, кој е асистент-тренер во машката селекцијата до 18 години, како и Сашо Пецев, кој ќе биде задолжен за кондициската подготовка – соопшти КФМ.

Првиот предизвик новиот селектор и неговите соработници ќе го имаат веќе кон крајот на август, на стартот на вториот круг од претквалификациите за Евробаскетот во 2025 година.

Македонските кошаркари и гостуваат на Данска на 25 август, а три дена подоцна во Скопје ќе бидат домаќини на Словачка.