Јончевски го скрати списокот: Се враќа Нено, Хап од Гран Канарија е замена за Шортс

14.02.2024 Februari sreda

По објавениот прелиминарен поширок список од страна на Александар Јончевски, македонскиот селектор денеска направи рез и ја објави конечната листа на играчи кои ќе конкурираат за стартери на натпреварите против Естонија и Полска.

Највпечатлива вест е тоа што во нашиот национален тим нема да го гледаме Ти-Џеј Шортс кој беше најзаслужен што се пласиравме во квалификациите за Европско првенство, но важно е да се напомене дека се враќа ѕвездата на Уникс.

Ненад Димитријевиќ пропушти неколку репрезентативни собири во последно време, но сега доби дозвола од клубот да настапи за Македонија и да се појави на првиот собир кој е закажан за наредниот понеделник.

Таква привилегија немаше Андреј Јакимовски, кој иако беше на почетниот список, сепак не добива дозвола од Вашингтон да ја напушти Америка.

На местото на Ти-Џеј Шортс, нов странец во нашиот тим е Американецот Итан Хап од Гран Канарија.

Првиот тренинг е закажан за 19.февруари.2024 (понеделник) со почеток во 18:00 часот, во СРЦ „Кале“ во Скопје.

Список на повикани играчи:

Војдан Стојановски – МЗТ Скопје Аеродром

Дамјан Стојановски – МЗТ Скопје Аеродром

Бојан Крстевски – МЗТ Скопје Аеродром

Дамјан Робев – МЗТ Скопје Аеродром

Марин Петков – МЗТ Скопје Аеродром

Андреј Магдевски – Пелистер

Андреј Маслинко – Пелистер

Амар Хот – Пелистер

Стојан Ѓуроски – Работнички

Виктор Ефремовски – Работнички

Ненад Димитријевиќ – Уникс Казан, Русија

Адем Мекиќ – Задар, Хрватска

Лејсон Зеќири – Башкими, Косово

Итан Хап – Гран Канарија – Шпанија