Јокиќ со трипл-дабл партија го израдува шампионот, Лејкерс се врати со моќно издание (ВИДЕО)

Составот на Денвер Нагетс ја забележа 13. победа во 19. сезонски натпревар во НБА лигата и тоа во пресметката со Хјустон Рокетс која ја реализираше со 134:124.

Ова за актуелниот првак беше трето славје во низа, а до истото дојде благодарение на изданието во првиот дел во кој уфрли дури 76 поени, поточно се стекна со предност од 17 кошеви која потоа ја одбрани во вториот дел.

Во прв план беше Јокиќ кој забележа трипл-дабл од 32 поени, 10 скокови и 15 асистенции без притоа да не загуби ниту една топка. Најголема поддршка му беше Портер Џуниор со 30 поени, а голема вест за Нагетс е што на терените се врати и плејмејкерот Мареј кој испорача 16 поени.Лос Анџелес Лејкерс доживеа вистински дебакл на претходниот меч со Филаделфија, па избраниците на Хем сакаа да покажат дека тоа било само лош ден, цел која ја остварија со убедлив настап против Детроит Пистонс од 133:107.

Расел имаше 35 поени, Дејвис дабл-дабл од 28 поени и 16 скока, додека Џејмс имаше 25 реализации. „Езерџиите“ имаат учинок 11-8 и се наоѓаат на седмото место на Западот.