Јокиќ е незадржлив: Две страшни асистенции и кош од безизлезна ситуација (ВИДЕО)

22.03.2024 Mart Petok

Никола Јокиќ го „испука“ својот 22. трипл-дабл во оваа сезона, учинок со кој му помогна на Денвер Нагетс да ја добие битката соо Њујорк Никс со резултат 113:100.

Србинот блескаше и беше незадржлив на теренот со 30 поени, 14 скока, 11 асистенции и 1 украдена топка. Тој имаше неколку супер потези со кои ја крена на нозе публиката во Колорадо, па така за издвојување се двете страшни додавања при кои поени постигнаа Гордот и Портер Џуниор, а тука е и кошот од безизлезна ситуација под прекршок, односно успеа да погоди преку табла.