Ѕвездите споделија фотографии зад сцената на „Мет гала“

14.09.2021 Septemvri Vtornik

Како и секоја година, елитата не можеше да му одолее на предизвикот, па и оваа „Мет гала“ не помина без милион фотографии што инстантно беа објавени на социјалните мрежи. Меган Фокс, Били Ајлиш и Лил Нас Икс во понеделникот им дадоа на своите фанови редок поглед зад сцената на годинешната „Метрополитен гала“, познатата зона без селфиња. Иако на гостите им е забрането да фотографираат или снимаат со својот телефон на ексклузивниот настан, голем број sвезди го прекршуваат ова правило секоја година. Хитмејкерот на Old Town Road, Лил Накс Икс (22), ја искористи секоја можност да ја документира ноќта на социјалните мрежи, а се фотографира со Адисон Реј, Тимоти Шаламе, Пит Дејвидсон, Јара Шахиди и Френк Оушн. Покрај Меган Фокс и Били Ајлиш, многу други ѕвезди споделија фотографии зад сцената на модната екстраваганција во режија на Ана Винтур, најмоќната жена во светот на модата. Најпознатите лица на поп-културата се појавија во њујоршкиот музеј „Метрополитен“ во понеделникот вечерта за да ја прослават „Мет гала“, забава на годината на модната индустрија. Уредничката на американскиот „Вог“, Ана Винтур, се потпишува како главен организатор на настанот.