Ѕвездите на „Црниот пантер 2“ блеснаа на европската премиера во Лондон

Актерската екипа на Black Panther: Wakanda Forever („Црниот пантер: Ваканда засекогаш“) присуствуваше на европската премиера на филмот на плоштадот Лестер во Лондон. Добивај вести на вибер Ѕвездите, меѓу кои Михаела Коел, Данаи Гурира и Лупита Нионго, се прошетаа на црвениот тепих за долгоочекуваното продолжение на филмот за суперхерои. „Црниот пантер“ од 2018 година е еден од најпрофитабилните филмови на сите времиња. Продукцијата на студиото „Марвел“ заработи повеќе од 1 милијарда фунти на благајните, пренесува британски Би-би-си. Тоа беше првиот филм за суперхерои што доби номинација за „Оскар“ за најдобар филм. Вкупно имаше седум номинации, а освои три – за оригинална музика, костимографија и за сценографија.