Ѕвездите на ПСЖ имаа спаринг со џудо шампиони, реакцијата на Мбапе е урнебесна

Седум ѕвезди на ПСЖ кои моментално се на пресезонска турнеја во Јапонија имаа обврски и надвор од фудбалскиотд терен, бидејќи го посетија Кодокан, храмот на џудото во Токио.

Фудбалерите на францускиот првак имаа можност да се запознаат со техниките на оваа древна јапонска вештина, но видеата кои пристигнаа од Токио брзо станаа вирален хит.

Маркињос, Хакими, Икарди, Бернад, Керер, Кимпембе и Мбапе беа играчите на ПСЖ кои биле дел од настанот, а најурнебесна е реакцијата на Килијан при еден зафат на еден од џудо олимписките шампиони.

По прикажаните техники од страна на експертите, ѕвездите добиле шанса накратко да имаат спаринг со џудо-мајсторите, искуство кое сигурно ќе остане долго во нивните сеќавања бидејќи оваа вештина не е така популарна во Европа.