Ѓорческа тргна убедливо, па ги „преспа“ наредните два сета во Прага

Најдобрата македонска тенисерка, Лина Ѓорческа доживеа пораз во првиот настап на силниот ИТФ фјучерс во Прага кој се игра на земјена подлога за 60.000 долари.

Лина беше поставена за шеста носителка на турнирот, но доживеа експресна елиминација и тоа од Ане Минтеги Дел Олмо од Шпанија. Тетовката имаше добар прв сет и истиот го реализираше со 6-3, но потоа следуваше потоп на нашиот рекет кој во наредните два сета не зема ниту еден гејм (6-0, 6-0).

Ова значи дека на Ѓорческа сега и останува само настапот во двојки каде игра заедно со Деа Харџелас од Босна и Херцеговина.