Ѓорческа со пресврт до четвртфинале на турнирот во Романија

11.09.2025 Septemvri Cetvrtok

Македонската тенисерка, Лина Ѓорческа избори место меѓу најдобрите осум на ИТФ фјучерсот во Букурешт (Романија) што се игра на земјена подлога за вредност од 60.000 долари.

Ѓорческа во денешниот осминафинален меч беше подобра од Ноами Басилети од Италија. Италијанката го доби првиот сет со 6-3, но потоа на сцена стапи четвртата носителка која го крена нивото на игра и со 6-3 и 6-4 обезбеди место во четвртфиналето на турнирот.

За место во полуфиналето Македонката ќе игра со 21-годишната Лаура Хиетаранта од Финска која денеска ја елиминираше петтата носителка  Јулија Авдеева.