Ѓорческа со победа над четвртата носителка се пласира во четврт-финалето

ТЕНИС – ТУРНИР ВО МАРИБОР

Најдобрата македонска тенисерка Лина Ѓорческа, моментално рангирана на 294-то место во светот на листата на Женската тениска асоцијација (ВТА), се пласира во четврт-финалето на турнирот во Марибор (Словенија), кој се игра за вкупен награден фонд од 60.000 долари, на тврда подлога.Во второто коло таа ја совлада хрватската претставничка Петра Марчинко, моментално 239-та во светот, со 2-0 во сетови (6-4, 6-4), а во вчерашното осминафинале победи со 2-1 во сетови (6-4, 2-6 и со 7-6, а во тајбрејкот во третиот сет со 11-9) на дуелот со Французинката Џесика Понше, која беше четврта носителка на овој турнир.Во четврт-финалето Ѓорческа денеска ќе игра со Грузијката Мариам Болквадѕе, со која истовремено на овој турнир настапува во двојки. А, во двојки Ѓорческа и Болквадѕе во првото коло убедливо со 2-0 во сетови (6-1 и 6-1) за само 48 минути игра ја совладаа словенечката двојка Бети Бутина-Јазбец и Зоја Петернел, со што се пласираа во второто коло, кое се играше вчера попладне, во кое за ривалки за пласман во полуфиналето ги имаа Французинката Јулија Белгравер и Урсула Радванска од Полска. Г.И.