Ѓорческа запрена во осминафиналето во Чешка

Најквалитетната македонска тенисерка, Лина Ѓорческа не ја мина осминафиналната пречка на фјучерсот во Ричани, Чешка.

Ѓорческа која беше четврта носителка на турнирот немаше решение за 27-годишната, Габриела Лее од Романија која издвојува победа со 2-0 во сетови со 7-6 и 6-4.

Се водеше голема борба на теренот број четири, борба во која Романката секогаш го имаше последниот збор, концентрација во решавачките моменти и дојде до триумф со кој избори место во четвртифиналето на фјучерсот вреден 60.000 американски долари. Габриела во наредната фаза ќе се соочи со уште една носителка (седма) и тоа Веронија Ерјавец од Словенија.